පෙර දිනෙක මතකය

එකෝමත් එක කාලෙකට පෙර
ලස්සනම ලස්සන පුංචි දවසක මතකයක්
අදටත් හිත සතුටින් ඉපිලවනව
මතකෙට නැගෙන හැම වරකදිම

හමුවෙලා වෙන්වුනු බව ඇත්ත
ඒත්............

ආදරේ හය හතර නොදත් මට
ජීවිතයක් පුරාවට දකින්න ලස්සනම ලස්සන හීනයක් දුන් ඔබ
කුළුදුලේ මගෙ දිවියට ආවමයි දැනුනෙ
මේ හදවතේ කර්ණිකා කෝෂිකා වලත් ලේ දුවන බව

පුංචි තොල් අපූරුවට තොඳොල් කර
හුරතල් කතා කියමින් මගෙ උණුහුමට ගුලිවෙද්දි
එදයි මං දැනගත්තෙ මගේ තුරුල උණුහුම් බව
මම ජීවත් වෙන බව

ඔය ලස්සන කලු ඇස් දෙකින් මගෙ ඇස් දිහා බලන්
හෙමින් හෙමින් මගේ තොල් සිපගද්දි
එදයි දැනගත්තෙ ඇස් කතා කරන බව
මගේ පෙනහළු වල හුස්ම රැඳී තිබෙන බව

ඒ ලේ වලින් උනුහුම් වුනු හදවතේ නාමයෙන්
ඒ හුස්ම වැටෙන මගේ පණ බිඳෙහි නාමයෙන්
ඒ වගේම ලස්සන අතීතයක ආපහු හමුවෙන්න මං අදටත් හීන දකිනව කෙල්ලෙ
ඒත් ඒ......
එතැනදිමයි......
එලෙසටමයි.......
නමුත් ඒ සදහටමයි

Little Princess

 

When sun peek from the eastern sky

I feels you like a butterfly

It's like a magical dream

When you walk in the mist of my thoughts

When my sight collide with your shyful smile 

Feels like my heart is filling with jasmines

Long ago in a one day, before you got belong to another

I wanted to ask you something...... 

♥ ♥ ♥ Can you be my little princess? ♥ ♥ ♥ 

Although I burried my heart alive under my own smile

Still there is a little hope

Like a water drop in end of a feather

 

Hey my little princess

I won

I know that you are not mine

I know that you will never be mine

But I'm keeping you forever in my heart

As my little dream princess

Ban me if you can....... :)))))

 

මාර ප්‍රශ්නෙ

අනේ කෙල්ලෙ
මට මාර ප්‍රශ්නයක්නෙ ඇතිවුනේ
රත් නා දල්ලක් වගේ
පිරිල රතු පාටින් පොපියන
නුඹේ ඔය රසවත් දෙතොල් සඟළ
හෙමි හෙමින් මගෙ දෙතොල් වලින්
කිතිකවා සනහන්නට මට හිතෙන තරම්
ඒ සිතුවිල්ලෙහි
මේ තරම් ප්‍රබල බවක්
අනේ මේක ලෝක ධර්මයද?
නැත්නම් මේක ලෙඩක්ද?
එහෙමත් නැතිනම් මේක.........
මං උපතින් ගෙනා කුකුල් කමද?
ලෝකයේ පිලිතුරු නොමැති ප්‍රශ්න ගොන්නට
තවත් එක ප්‍රශ්නයක්
මාර ප්‍රශ්නයක්.........

අදින් අපි වෙන් උනත් මං තවම ආදරෙයි

මගේ සුදු පැටියෝ
හිතක් හරි සුන්දරයි
අදින් අපි වෙන් උනත්
මං තවම ආදරෙයි

සිතුම් හරි චන්චලයි
ගතත් මියැදී වගෙයි
පැතුම් අයැදී මගෙන්
තවත් ඔබ ඕනෙ යැයි

ආදරේ හැඳිනගති
ජීවිතේ පසක් වුනි
ඔබ ලඟින් නොමැතිමුත්
වෙන්න මට දිවුරුමක්

කිසිදාක රිදුනට
පැරදී නොහඬන්න
ගෙවෙන හැම මොහොතක්ම
සුන්දරම වෙන්නෙ නෑ
 

මැරෙන බව දැනගන්න

හැමදාම ඉන්නෙ නෑ
දැනන් විඳවන්නැතුව
ජීවිතය විඳින්න

මා මලොත් යම් දිනෙක
එන්නෙපා බලන්නට
මතු භවෙත් මට බෑ
පැතුම් සිඳ බිඳගන්න

පෙර සිහින දැක් ලෙසම
කෙදින හෝ මතු දිනෙක
ලස්සනම චූටි පැටියෙක්ගෙ
ලස්සනම අම්මියෙක් වෙන්න

උන්නොත් එදින

පින් දෙන්නම් සසරටම
අනේ මට ඉඩ දෙන්න
මේ කඳුළු වාවන්න

දෙයියනේ තවත් අඬන්න බෑ
දැන්නම් පැලෙයි මගෙ පපුව
ඇස් දෙකෙත් කඳුළු නෑ
වියැකිලා ඉදිමිලා
හිතේ දුක ගලලාම
ලේ නහර වියැකිලා

කියන්නට බොහෝ දේ
ඇතත් මගෙ හදවතේ
මේ එයට වර නොවෙයි
නික්ම යන මේ දිනේ

අදත් මට ඇතිනම්
පෙර වගේ ඔබ ලඟින්

උනුහුමට දැවටෙමින්
කෙලිකමින් කොඳුරන්න

ඔබේ නෙත් දෙස බලන්
හෙමින් කවි මුමුනන්න

උකුල මත හිස හොවන්
සනීපෙට හැන්ගෙන්න

පපුව මත උනුහුමට
හෙමින් දඟ පාන්නට

ලෝකයකට වහන් වී
එදා මෙන් තුරුල් වෙන්න

මගේ තොල් අතරින් සතපවා
ඔබේ තොල් පෙති උරා බොන්න

අනේ කෙල්ලෙ මටත් පිස්සු
මේ වෙන් වෙන මොහොතෙ දොඩවන්න

සතුටින් ඉන්න ඔහුත් එක්ක
මට ඒ ඇති
සසර පුරාවටම

ඉතින් මම වෙර දරමි
මව් කිරෙන් කුස පිරුනු පොඩි එකෙක් වගේ
හිනා වෙන බව පෙන්නන්න

ප්‍රාර්ථනාව

අනේ මගේ හිතටත්
එන්සයිමයක් වෙන්න ඇත්නම්
කොයිතරම් එහෙනම් මගේ හිත අවට
භාහිර ප්‍රතික්‍රියා චංචල වූවත්
ඒ හැම හිතක් එක්කම පෑහී
මට අදටත් ස්ථාවර ස්වරූපයටම
එලඹෙන්නට තිබුනා
එහෙත් එහෙම නොවූ නියාවෙන්
මගේ ඇස් වල කඳුළු අද
අනේ මටත් එන්සයිමයක් වෙන්න ඇත්නම්.........

ඊයෙ පෝස්ටුව ගැන හැමෝම මට සමාවෙන්න.මීට සඳකිඳුරා

දියබරියාගේ ගැහැනු සතා වෙත ආදරයෙන්

මං මහන්සියෙන් මගේ ඇඟිලි වෙහෙසවගෙන ඇස් ඇම් ඇස් නොහොත් කෙටි පනිවුඩයක් එව්වම වටිනව නේද මන් අහන්නෙ රිප්ලයි කොරන්ට බැරිනම් රින්ග් කට් එකක් හරි දුන්නනම්.මොකැයි උඩ බිම බලන්නෙ.උඹට තමයි ඕන් කිව්වෙ.තව වටපිටත් බලනව උඹට නෙවේය වගේ.මාව එපා එකා මටත් එපා.ඕනෙ ප#* කොරගනින්.ඉන්න බැරි කේන්තියෙන් උනත් මේක කියන්න හිතුවෙ වැරදිලාවත් ඒ හැලපි මගේ බිත්තිය පැත්තට ගොඩ උනොත් වරදක් උනු බව හැඟෙන්නයි.හයියෝ මට මතක් වෙන නාමපද නම්.එලදෙන.ගෙම්බි.ඒයි මොකක්ද බොලව් දියබරියගෙ ගෑනු සතාට කියන්නෙ.අන්න ඒකත් එයා තමයි.හරි කෙනාටම වැදේවා.රිදෙන්න නෙමෙයි කිව්වෙ.දුක නිවෙන්නයි බොලව්.මේ හිතනම් පට්ට සිරා දෙයකි.කමක් නෑ කමක් නෑ.මං තරහ නෑ.මොනා උනත් මගේ එක්සෑම් කුප්පිය පුරවන එකානෙ.අයි ලව් යූ සුදූ.උම්ම්ම්ම්ම්ම්ම්ම්ම්මා ♥ (හැබැයි ඒකනම් කිව්වෙ සිරාවටම සහෝදර ප්‍රේමයෙන් ඕන්) :/ ඊට වඩා අදහසක් මයෙ තුන් හිතේවත් නෑ ඕන්.......

 

තනි වූ මොහොත

 ජීවිතේ
ගොඩක් දෙනෙකු මා හා හිනැහුනත්
මං දන්නව මං හැමදාමත්
තනිවෙලා කියලා

නමක් නොමැති හැඟීමක්

     
කිඳුරිය :- 
ගං දෑල ඉකිබිඳින හඬ ඇසුනි දෝ 
නැතිවද ඔබ අද මා සිහිනයේ 
ඔබෙ මතකයේ සුවඳ තවරන්න ඒ සිහිනේ 
සැනසෙන්න ඉඩදෙන්න විඳගනිමින් ඒ සුවඳ

 
සඳකිඳුරා :-
නෑ මගේ රත්තරං 
සැනසෙන්නට නොදෙමි නුඹට මතකයේ සුවඳේ පමනක් 
එන්න මගේ තුරුලට 
අපි එකට එක්වී පියමන් කරමු 
අපි අපේම වූ ඉසව්වක අපි අපේම වූ මොහොතකට 
සනසවන්නම් ඔබව මා හොඳටම හති වැටෙන තුරු 
හුස්ම ගන්න අමතක වෙලා කතා කරගන්න බැරිවෙන තුරු 
සියොලඟම වෙවුලා පනනැති වෙනතුරු 
අපි අපේම චූටියෙක්ගෙන් සැනසෙන තුරු 
එතකොට අපේ මුලු ලෝකෙම වෙයි එයා

නැවුම් කුලගෙය

සිත ඇයිද මෙතරම්
නුඹ ගැනම ලොබකම්
සසරේ පුරුදුකම්
සොයා ඇවිදින්ද මම්

මහාමේරුව තරම්
ආදරේ බව දනිම්
නුඹෙ දෙපා මුල වැටෙම්
මට කුමට රජකම්

නුඹෙ පැලක කෝඩුකම්
හනිහනික දුරලම්
සඟවා බොලඳකම්
ආදරේ විඳින්නම්

කිරි සිනාවන් හැඬුම්
ඇසෙන ගෙපැලයි දිනුම්
මව් පදවි මල් දම්
පලඳවන්නද ගෙලෙහි මම්

 

පේරාදෙණිය විශ්වවිද්‍යාලයේ චම්පා අබේසිංහ විසින් පුවත්පතක පලකරන ලදුව උපුටාගන්නා ලදී

අම්මා

දස මස කුස දරා
ලේ කිරි කර පොවා
හෙලු නිල්මිනි කඳුලු
සයුරකට පෙරලිලා

හොඳ නොහොඳ පෙන්වා
මාව දිරිමත් කලා
මතු මතු අම්මේ
ඔබ බුදු වේවා

පිටු පෙරලෙන ජීවිතේ

මගේ සිතෙහි ලැගුම් ගත්තු ඒ දඟකාරී
මගේම වෙයි කියා පැතූ පැතුමන් තනිවී
නොසිතූ ලෙස හැඬවූවා මා පෙර දිනෙහී
හිතන්නෙපා මා සිත හඬවන්න ඔබ යලි

අහින්සක ලෙසයි ඔබ මගෙ දිවියට ආවේ
නොසිතූ ලෙස කිමද චන්ඩ සුලඟක් වූයේ
එපා බැලුම් ලන්නට යලි හදවතට මගේ
මම වෙන කෙනෙකුගෙ වූයේ ඔබ හැරගිය දවසේ

සොඳුරු සිහින මාලිග දිවියෙහි මා පැතුව
සුනුවිසුනු කලේ ඔබ එක මොහොතකින්ය සොඳුර
ඔබ පමා වැඩී නිවැරදි කරනට වූ වරද
මට සමාවෙන්න මන් දැන් වෙන කෙනෙකුගෙව ඇත

ආදරය

සිටින විට මා පාලුවේ
ඔබ මා ලගින් ඉන්නා වූ යාමයේ
පෙම් සිහින දෑසට යා කලා
ආදරේ මල් මාවතේ
මල් පියලි මතුපිට පා වුනා
හරි සුන්දරයි ජීවිතේ
මා සිත පිරෙව්වා රෑ දිවා

නුඹ තනාගත් ලෝකෙට........ අනේ මo දුර වැඩිවද........

පාට වත්සුනු නැතිවට
අගෙයි නුඹ නම් මා හට
එදා මo හිතුවට
දුටුවෙ නෑ නුඹ හරියට

කොලොම්තොට නුඹ වැඩියම
හැඩුව මගෙ හිත දුකටම
පැමිනි මුත් නුඹ ගමරට
වෙනස් වී ඇයි හරියට

උලා නිය රතු පාටට
දෙතොල් සගලට සම සම
ආදරේ මුත් නුඹ හට
සිඹින්නේ මo කොහොමද?

තබා පා යුග නුඹ සම
ඇවිද යන්නට සිතුවට
උස් වූ මිරිවැඩි සගලට
මගේ පය කැප නැතිවද

නුඹ තනාගත් ලෝකෙට
අනේ මo දුර වැඩිවද
නුඹ යන්න නුඹෙ සිහිනෙට
හිතේ තරහක් නෑ මට

 

කසුන් චතුරoග විසින් පුවත් පතක පලකරන ලදුව උපුටා ගන්නා ලදී

සමුගනිමි සදහටම

මේ නිසල රෑ සද එලියත් පාලුවත් තුරුලු කර

බැලිමි අහසේ දඟකරන තරු දිහා

බලාපොරොත්තුවක් සොයන්නට

ඒත් කවුරුන්හෝ කියාදෙන්න මට

මෙතරම් තරු තිබුනත් අහසේ

ඇයි මම විතරක් තනිවෙලා

ඒ වුනත් ඇසීමට කිසිවෙක් හමුනොවූ නියාවෙන්

ඇහුවා මන් හෙමීට මගේම හදවතින්

"ඇයි මම විතරක් තනිවෙලා"

ඔවු ලැබුනි මට පිලිතුරක්

කිසිදු අනුකම්පාවක් නැති

"උඹ තනිවිය යුතුයි කල වරදට දඬුවමක් ලෙස

විඳින්න එපා මේ ලෝකය

මේ ලොව අයිති නෑ ඔබ හට

පිලිතුරු දුන්නත් ඔබට

මාවත් අයිති නෑ ඔබ හට

මාව අර ඈත පෙනුනු තරු නෙතකත දුන් දවසේ

සිතුවෙ නැහැ නේද ඔබ තනිවෙයි කියා

මාවත් ඔබ ලග තියා නොගෙන දුන්නනම්

විඳවපන් දැන් ඉතින්

කදුල පමනයි ඉතිරි උඹ හට"

ඉතින් ඒ කඳුල පමනක් තුරුලු කර

ඒ තරුවේ මතකයත් රැගෙන

සමුගනිමි ලෝකයෙන්

මරනයේ උනුසුම සොයා

 

කදුල

අතෙක ලොව සියලු දේ ලද පෙම්වතෙක්
අතෙක ලොව සියලු දේ අහිමි වූ පෙම්වතෙක්
හරි මැද පෙමක් නොලද කුලුදුලේ සිහින මවන පෙම්වතෙක්

සියල්ල ලද කෙනා පතද්දී
"අහෝ කදුල නුඹ එන්නෙපා අප අතරට
කඳුලකට ඉඩ නෑ අප අතර
මේ තොල් පෙති අග තෙත් බවත්
දෙහදෙහි උණුසුමත්
හැමදාම ඇති අප හට
පොඩි එකෙක් එයි ලගදිම
අපේ උණුසුම විඳින්නට"

 
 

එය එසේ වෙද්දී
දෙලොවක අතරමන් වී මැද සිටින කෙනා සිතයි.....

"ගජමන් තතුනම් සත්‍යමැයි
පෙර නොවිඳි රසයක පහසනම් කඳුලැල්ලකත් හසරැල්ලකත් මුහුවයි
ජීවිතේ නම් හරිම සුන්දරයි එය මා වෙත තාම නොආවත්
කෙදිනක හෝ ආදරය ලද දිනෙක
රැකගනිමි එය දිවිහිමියෙන්
කැපවෙමි සියල්ල අභිබවා
විඳිමි එය මැනෙවින්"
ගොඩගසයි ඔහු සිහින මාලිග
ඉටු වුවහොත් නම් හොදයි
කුමක් වේවිද නොවුවහොත්????

 

සියලු කාරන එසේවද්දී
සියල්ල අහිමි වූවා සිතයි.....

"අනේ මට මුකුත්ම නෑ
මට හැමදේම අහිමි වෙලා
අනිත් හැමෝටම හිතක පහසක් ලැබෙනවා
ඒත් ඇයි මට විතරක් නැත්තෙ"
ඔහුට තම සිතද අහිමි වූවාසේය
විටෙක හේ සිතූවත්
මේ ඇසේ පිරී නලියන කඳුලුවත් ඔහුව හැරනොයාවි කියලා
හේ එතැන්හිද වැරදිය
නිරන්තරයෙන් දිවිය පුරා
කඳුලෙහි පහස අත්වින්දද
ඒ කඳුලු බිඳුත්
හනි හනිකට කම්මුල් දිගේ බැස ගමන් කරයි
ඔහු නොපෙනෙන ඉමක් වෙත
එහෙත් හේ සතු එකම උරුමයද කඳුලම පමනක් බව හේ දනී

 
 

අහෝ තිදෙනෙක් කඳුලක් දකින අයුර....................