කිඳුරු සේනාව

Thursday, June 14, 2012

හොග්වට්ස් මායාකරුවන් ලංකාවේ (සුට්ටක් විතර 18+ ලූ)

හොග්වට්ස් මායා පාසල යනු ඔබ අපි සැවොම හොඳින් දන්නා හඳුනන, වරම් ලැබේනම් අපිත් යාමට කැමති, සුප්‍රසිද්ධ හැරී පොටර් කතා මාලාවේ මායා පාසලයි.ඉතින් ඉතින් මමත් මෙතෙක් කල් හිතන් හිටියෙ ඇත්ත ජීවිතේ දේවල් හා සසඳා මායාව ඊට ගැලපූ නිසාම මෙය අපිට මේතරම්ම හුරු පුරුදු වුනා විනා මෙහි සත්‍යක් නොමැති බවයි.ඒත් දන්නවද වැඩක්????


මෙතෙක් බොරුයි කියල හිතපු එව්ව ඕන් ඇත්ත වෙලා.නිකන් කිචි කිචි වගේ නේ.මෙතෙක් කල් ගමේ කෙල්ලන්ට පැණි හලපු, නගරෙ කෙල්ලො දැකල කටේ කෙලත් හිඳුනු අපිට කොහොමෙයි චෑන්ස් එකක් ලැබුන නම් මායාකාරියක් එක්ක ලඟින් වාඩි වෙලා අත් අල්ලං හිනා වෙවී අපි මායා දස්කම් ගැන කතා කරන්න.නැත්නම් අනිත් එවුන්ගෙ කටවල් වැහෙන්නත් එක්ක හවසට එයත් එක්ක අත් අල්ලං අහසෙ පියඹගෙන යන්න.හ්ම්ම්ම්......... මටත් ආසයි ඒ ලස්සන අඳුරු මාවත් දිගේ මායා යශ්ඨියෙන් එලිය මවාගෙන, තෙත කොල වැටුනු මඩ තියෙන පාරෙ ගස් වලින් එන සුවඳත් එක්ක අහස දිහා බලන් ඇවිදින්න.හවසට ගඟ ගාවට ගිහින් කිඳුරො කිඳුරියොත් එක්ක කතා කරන්න.හොල්මන් එක්ක පිස්සු කෙලින්න.අකමැති ලෙක්චර්ස් වලදි කොස්සෙ නැගල පැනල යන්න....... පට්ට හීන කෝටියයි.






දැනගන්න ලැබුනම මෙහෙම දෙයක් මුලින් මමත් හිතුවෙ පට්ට පල් ටොම් පචයක් කියල.අඩේ බැලුවම මුංගෙ තර්කෙ ඇත්තකුත් තියෙනව.හා බොරුද බලපල්ලකො නරි රැල :/


මේ පිළිබඳව මෙතෙක් දීර්ගව පරීක්ෂන සිදු කලත් මේ ලඟදි තමා ඕන් මහා කිඳුරු බලකාය විසින් මේක සනාත කොරගත්තෙ.මහින්ද මාම ඇතුලු රජය කකුල් දෙක අල්ලල නොසෑහෙන්න අඬපු නිසාම පොරොන්දු උනා මේක කාටවත් නොකියන්න.ගෝඨ මාම මට කිවුව අපේ රට ආසියාවෙ ආස්චර්යෙ උනාම උංගෙ ගෙදර රෑ කෑමකට එන්න කියලත්.මං ඇහුව රෑ නැතුව දවල් එන්න බැරිද කියලත්.නෑ රෑටම එන්න කිවුව.මං උඹලට විතරක් හොරෙන් කියන්නම් සිද්දිය.උඹල කාටවත් කියන්නෙපා.මං රෑ කෑමට ගිහින් එද්දි ඉතිරි වෙන එව්ව දාල උඹලටත් බත් මුලක් බැඳගෙන එන්නම්.හරි හරි.තෑන්ක්ස් කරන්න ඕනි නෑ.තුන් හතර පොලකින් ඉඳගත්තනම්.මේන්න මේකයි ඕන් සිද්දිය.






උඹලට කියන්න නගේ මලේ.......... ආහ් ඇන්ටිලව අංකල්ලව අමතක උනානෙ.හරි හරි.බොලාට කියන්න දවසක් මං වැස්සකට අහුවෙලා තෙමි තෙමි දුවද්දි ලඟපාතක ඉස්කෝලයක් අහු උනා.හප්පොච්චියේ............ බැලින්නම් ඒ හොග්වට්ස් නෙව.සුට්ටි සුට්ටි ගවුම් පොඩි ඇඳගත්තු මායාකාරියො රොතු බුරුතු පිටින්.ආසාවේ බැරුව.හිරිකඩ වදින නිසා සුට්ට සුට්ට ඇතුලට උනා ඉතින්.එහෙදි ඒ ලමිස්සියො මට නොසෑහෙන්න දේවල් කියල දුන්න.මායා යශ්ඨිය පාවිච්චි කරන හැටි, බෝලෙ රතුපාටට හැරෙද්දි දේවල් මතක් වෙන හැටි, 2ක් මදිවට 3ක් තියෙන බල්ලො........ සැහ් ඔය මොකක් කියල දුන්නත් පට්ටම වැඩේ තමා ඕන් අර රෙද්ද අස්සට රිංගල හැංගෙන එක.රෙද්ද උස්සල රිංගපු ගමන් පොර මිසිං.උන්නද මලාද කියලවත් හොයන්න බෑ.හෑ.......... නෑ නෑ ගවුම් පොඩි ගැන නෙමේ කිවුවෙ අර ඉන්විසිබිලිටි ක්ලෝක්ද මොකද්ද මන්ද එක.ඇයි උඹල හිතුවෙ ගවුම අස්සට රිංගුවහම අතුරුදහන් වෙයි කියලද.නොසෑහෙන්න ගුටි කන්න නම් පුලුවන්.හප්පේ කියනකොටත් මයෙ මේ උරහිස නිකන් උලුක්කු උනා වගේ :/






මං පහුවදා දවලුත් ගියාම නම් එතන එහෙම මුකුත් තිබුනෙ නෑ.පස්සෙ මං හිත හිත හිටියෙ මේක දැකපු හීනයක් වෙන්නැති කියල මේ ටික දවසකට කලින් ලංකාවෙ ප්‍රධාන මුහුදු ප්‍රදේශ කීපයකින්ම මීට අදාලව මයා කරුවන් කාරියන් හම්බුවෙන තුරු.එක තැනම දෙකක නම් මක්කෙයි.මුංව එකපාර ගෝල්ෆේස්, මීගමුව බ්‍රව්න්ස් බීච්, ගල්කිස්ස මුහුදු තීරය, වැල්ලවත්ත මුහුදු තීරය, පානදුර මුහුදු තීරය ඇතුලු ගොඩක් තැන් වලින් හම්බුනා.ගාල්ල පැත්තෙන් එහෙමත් හම්බුවෙලා.මෙන්න ඉන්නව පින්තූරෙත් එක්කම..........






වැඩේ කියන්නෙ මායා පාසලේදි කට්ටිය අනිත් අයට නොපෙනී යන්නෙ මායා ලෝගුව නිසා.අපේ කට්ටිය ලෝගු අරන් හැමතැනම යන එක ලේසි වැඩක් නොවන නිසා නව සොයාගැනීමක් ලෙස ඒ සඳහා පාවිච්චි කරන්නෙ කුඩේ.කෙසේ නමුත් මොවුන් කියනා විදිහට නම් කොපමන පිරිසක් ඉදිරියේ වුනත් කුඩේ ඉහලා ඔලුව වසාගත්තට පස්සෙ මොවුන් කිසිම කෙනෙක්ට පේන්නෙ නෑලු.බක් ගාල අතුරුදහන් වෙනවලු.කාරනේ ඇත්තද කියල බලන්න මාත් උගෙ මායියත් එක්ක කුඩේ යටට ගිහින් මූන වහගත්ත.හෙමි හෙමින් මං එයාට ලං වෙද්දිම ඕයි ඕයි ඔය මොකද තමුසෙ කරන්නෙ කියල ඌ මාව ඇදල අරං දෙකක් ඇන්න.ඉතින් මං ඇහුව තමුසෙට පෙනිලනෙ ඕයි කියල.ඌ මුකුත් නොකිය යන්න ගියා.


තවත් මේ සඳහා මම පරීක්ෂණයේ නියුතු අතර වාරයකදී පෙනී ගිය දෙයක් නම් සමහරු කිස් එකක් දෙන්න වත් දන්නෙ නෑ.කුඩේ ඉහලගෙන වටේ පිටේ එවුන් කරන විදිහ බලං ඉඳල තමා උනුත් ක්‍රමේ අල්ලගන්නෙ.එවන් විටකදි මං ඒ ජෝඩුවක් උන්නු කුඩේකට පොල් ලෙල්ලකින් ගහල ඇහුව "මේ අයියෙ.ඔයාල මායාකාරයොද ඈ?" කියල.එතකොට ඌ කියපි "නෑ අපි ප්‍රේමවන්තයො.මායා කාරයින්ට වඩා ලොකු සයිස්" කියල.මං ඊලඟ ප්‍රශ්නෙ අහන්න කට අරිද්දිම ඌ අපෙ අම්ම මතක් කරපු නිසා මං චුත වුනා :D


මේ අතර මට තවත් වර්ගයක් අහු වුනා.




මොවුන් කුඩයක් හෝ එවැනි කිසිදු උපකරණයක් භාවිතා නොකරයි.හොඳින් හෙවන ඇති නිස්කලංක තැනක් මේ සඳහා යොදාගනී.හෙවනේ වාඩි ගත් කල අතුරුදහන් වන මොවුන් නැවත මතුවන්නේ පැය 2, 3කට පසු එතැනින් නැගිටින විටය.අනේ සංසාරේ කියා මා ඇතුලු පරීක්ෂක පරීක්ෂිකාවන් රැල ටිකට් නැතුවම සිත්තරපටියක් නැරඹුවෙමු.


මේ සැකකරුවන් ලඟ තිබී අමුතු අමුතු උපකරණ අපිට ලැබුනි.ලැබුනු එක වටිනා උපකරණයක් ටොපියක යැයි සිතා අපේ එකෙක් විසින් ගිල දැමීම නිසා එය අපිට අහිමි විය.නමුත් ඔහු කියූ පරිදි නම් එහි ස්ට්‍රෝබෙරි රසයක් තිබී ඇත :D


මොවුන් සතුව තිබී අපට ලැබුනු උපකරණ වලින් කීපයක් පහතින් දක්වා ඇත.ඔය තියෙන්නෙ


සැක සහිත ලෙස බෑගයේ සවිකර තිබූ බැජ් අංක 1

පෙනේද මේ සුට්ටි මායා යශ්ඨිය.මූ කන හාරන්නත් ගන්නවලු මේක :o


හොග්වට්ස් පාසලේ තේ බෝතලයක්


හොග්වට්ස් පාසලේ නිල පාසල් බෑගය.මුං අවලමේ යද්දිත් මේව ගේනවනෙ.බලපිය රට යන අත :/


සැක සහිත ලෙස බෑගයේ සවිකර තිබූ බැජ් අංක 2


හොග්වට්ස් කීඩා කවයේ නිල වතුර බෝතලය.දෙකක් තුනක් අනින විට ඌ කණ්ඩායමේ වතුර කොලුවා බව අනාවරනය විය


ලවර් එකෙන් ගත්තා කියා අපිව නොමග යවන්න හැදූ කී ටැගයක්

තවද මොවුන් සතුව විවිද වර්ගයේ පැණි රස කෑම තිබී සොයාගෙන ඇත.මානසික ආතතිය වැලකීමට පැනිරස මායාකරුවන් ගන්නා බව හැරී පොටර් 3 වන කොටස කියවූ හෝ බැලූ ඔබ හොඳින්ම දනී.ඒත් මුං මානසිකව වැටෙන්නේ නැති බවත් මේ දෙස බලනා තනිකඩයින් මානසිකව වැටෙන බවත් අපිට පසක් වූ කරුණයි.

තවද උපකරණ අතර දීර්ග ලෙස විශ්ලේෂනය කලයුතු උපකරණ 4ක් වෙත අපේ කුරිරු ඇහැ යොමු විය


1.දිග කං සහිත තොප්පිය.මෙය බැලූ බැල්මටම අමුතු සයිකො තොප්පියකි.මොකාටද යකෝ මේ තරම් දිග කන් තොප්පි දාල වහන්න ඕනි.මේ ස්වීට් ලිට්ල් අක්ක නම් මට කිව්වෙ ලඟදිම එයාල පැටියෙක් හදන්නලු ඉන්නෙ.මං ඇහුව බලුද කියල.නෑ දරු කියල කිව්ව.බෝයි ෆ්‍රෙන්ඩ්ගෙ අතපය වගේම හැමදේම දිග නිසා බබාට දිග කන් තියෙන තොප්පියක් දැන්ම ඉරිද පොලෙන් අරගත්තලු.ඒ සැකසහිතයි o.O


2.අමුතු කොල පාට දිග මෙව්ව එක.මේක මොකද්ද දන්නෙ නෑ.හිතන්නෙ යශ්ඨියක් කියල.අමුතු හැඩේ නිසාම මං ගෙදර ගෙනාව.අල්ලපු ගෙදර ඉන්න ලඟදි ඩිවෝස් වුනු අක්ක ඕන් මේක ඉල්ලගෙන ගියා.මොකෝ දල්ලෙ ලෑ :o




3.මිනිහ මේක කුඩේ යටදිම ගලවල එලියෙන් තියද්දි තමා ඕන් අතටම අල්ල ගත්තෙ.ඒක කුඩයක් කිව්වට අර අයිස් ක්‍රීම් කුඩයක්.අමුතු ජාතියේ සතෙක් මෙහි වසා ඇති බව ඔබටත් පෙනෙනව ඇති.මුං කොයි ලෝකෙන් සත්තු ගේනවද මන්ද


4.මේක තමයි දැනට අපි ලැබ් එකේ පරීක්ෂන කරන්නෙ.සැකකරු කිවුවෙ නම් මේක දත් බුරුසුවක් කියල.දත් බුරුසුවක් එක්ක තියල අපි ඒ නිසාම මේක සංසන්දනය කලා.බොලා මේකට කියන්නෙ දත් බුරුසවක් කියලද.අපිට නම් පේන්නෙ මේක කොස්සක් වගේ.බැලූ බැල්මට දෙකට නැවී #* කසාගැනීමටත් මෙය මදි බව හැඟේ.නමුත් සැෂේ කොස්සක් බෑගයේ දාගෙන යාම නිසා ඔහුව සිරගෙට නියම කොට ඔහුගේ මායියා මා භාරයට ගතිමි ;)


අවසන් ලෙස මොවුන්ගෙන් දෙදෙනෙකුගෙ සිරුරු මත මායාකරුවන්ට අදාල පින්තූර ටැටූ ගතකොට තිබෙනු මගේ එක්ස් මායියා දැක මට සැල කිරීමෙන් පසුව අපි ඒ ගැන බැලුව.එතකොට කරපු මරණ තර්ජනයක් නිසා තමා ඕන් මහින්ද මාමටත් කියල මම මේ වගේ දීර්ග පරීක්ෂණ වාර්ථාව වහල දැම්මේ.




අක්කා කෙනෙකුගේ පශ්චාත් භාගයේ වම් අර්ධයට මදක් ඉහලින් පිහාටු සහිත ඇටයක් වැනි යමක් අපිට දැකගත හැකි විය."අක්කෙ අක්කෙ මේ මොකක්ද" කියල ඇසූ සඳ "ඒ තොගෙ ඇටේ" යයි ඇය කීවේය.මගේ ඇටේට පිහාටු තිබේදැයි එවෙලේම පිරික්සා බැලූ මට එවැන්නක් සොයාගත හැකි නොවීය.එහෙයින් මා ඇයගේද සහය පැතීමි.පැය කීපයක් පසු වුවත් සොයාගත නොහැකි විය.ඊලඟට ආවේ මට මරණ තර්ජනේ එල්ල කල "තුම්මුල්ලේ කිඩ්නැප් පුතා" යැයි කියූ මායාකරුවෙක් බවට උපකල්පනය කරන එකාය.




"අයියෙ ඇයි අයියෙ කුරුල්ලො අතේ ගහල" කියල පමනක් මං ඇසූ පසු ඔහු මදක් සිනාසුනු බව මතකය.සිහිය එන විට මරණ තර්ජනේ ලිඛිතව ලියා සාක්කුවේ දමා තිබුනි.තවමත් ඇවිදීමට නම් සුට්ටක් අමාරුය.චැහ්........


ප.ලි :- හුදෙක් විනෝදය තකාම ලිවුවෙමි :D
ප.ප.ලි :- ලිපිය දිග වැඩි නෑ නේදෝ.......... :p

Tuesday, June 12, 2012

සයිබර් සිහිනයේ ඉතුරු මඩ (සොමි ආතල්)

ප.ලි :- අද මට පසු ලියමන කලින් දාන්න හිතුන.එතකොට ඒකට කියන්නෙ පෙ.ලි කියලලු :p

ප.ප.ලි :- මීට සුලු දිනකට කලින් අප අතරින් වියෝ වුනු අපේම ඔබා මාමව ආදරයෙන් මතක් කරනගමන්ම නිවන් සුව පතනවා.
ප.ප.ප.ලි :- මේක ගෙඩි පිටින්ම සයිබර් සමරු කලාප පොතේ පලවුනා.ඒත් තොපි වගේ රිලව් එකෙක් වත් ඒක කියවන්න නැතුව ඇති කියල හිතුන.
පපර පපං පලි :- පෙලි කියල ලියන එක කැතයි වගේ නිසා පලි කියලම ලිව්ව.



මේ වසරේ........... ඒ කියන්නෙ 2012 අවුරුද්දෙ අප්‍රේල් 22 වෙනිද බොහොම තේජවන්ත විදිහට සැබෑ වුනානෙ අපේ සයිබර් සිහිනයෙ මේ වසරෙ දිනය.හොඳටම රහ වැටිල කට්ටිය හිටියෙ.වෙන වෙන කතා වටින් පිටින් ඇහුනත් තාමත් එහෙන් මෙහෙන් හා හූ සද්ද ඇහෙනව මේ ගැන.හැබෑටම සිරා දවස නේ.ආපු නැති උන් දැන් ඉතින් ඇටි කෙහෙල් කාපු උගුඩුවො වගේ නියෝපල්ල.කමක් නෑ බොල.එන පාරවත් වර.සයිබර් සිහිනයක් අත්විඳපු නැති බ්ලොග් කරුවෙක් කියන්නෙ හරියට මව් කිරි නොබීපු ළදරුවෙක් වගේ කියලයි මට නම් හිතෙන්නෙ.ඌ ලොකු මහත් වෙයි.හැබැයි මේරීම ප්‍රාථමිකයි.


ම්ම්ම්ම්ම්ම්ම්ම්ම්ම්ම්................. ඇත්තටම මේ එකතු වෙන........... මේ අත්විඳින සයිබර් සිහින නම් හිතේ මතක ගොන්නට එකතු වෙන්නෙ වාසනා මහිමයත් එක්කමයි.ලංකාව පුරාම එකම සමානාත්මතාවකින් පිරුනු ලොකු පොඩ්ඩො එකට හම්බුවෙන අපේම දවස.තවත් අරුත් ගන්වනවනම් අපේම පට්ට දවස.ඇත්තටම ඒ මතකම ඇති අවුරුද්දක් පුරාවටම මතක් කර කර හිනාවෙන්න සංවේදී කෙනෙකුට.


කොහොමින් කොහොම හෝ මං මේ දැන්නම් හදන්නෙ උඹලට ප්‍රශ්න පත්තරක් දෙන්න.කොපි කරන්න බෑ.අල්ලපු එකාගෙන් උත්තරේ අහන්න බෑ.ශාලාධිපතිගෙන් අහන්නත් බෑ.කී බෝඩ් එක උකුලට ගනිල්ල.ඕන්න එහෙනම් බෙදුව පේපරේ :p


                    ***


අධ්‍යයන පොදු සහතික පත්‍ර බ්ලොග් සයිබර් සිහින මඩ විභාගය 2012
කාලය :- විනාඩි 15යි (ශාලාධිපති අත්පුඩියක් ගැහුවම පටන් ගනිල්ල හෑ)


(1) කොහේදෝ සිට පැමිණි පිටසක්වල ජීවියෙකුගෙන් ගානක් කඩාගන්නට සිතාගෙන ඔහු සිය කාරයේ දමාගෙන ගොස් මහරගමින් බැස්සු කෙනෙක් පසුව ඩීසල් පැට්‍රල් ගනන් ගිය මේ කාලයේ පිටසක්වලයන්ට මොන සහනාධාරදැයි පවසමින් බස් ගාස්තුව ඉල්ලා ගත් බවට නිල නොලත් ආරංචි මාර්ග වලින් ආරංචි ලැබී ඇත.සංවිධායක මණ්ඩලය දමන කවර blog post එකක වුවද ඇනෝවෙක් ලෙස කමෙන්ට් කොට map එකක් ඉල්ලා සිටීම මේ දිනවල මොහුගේ ප්‍රියතම රාජකාරිය වී ඇත. අනුන්ට මුවාවී පොටෝ ගැනීමට  විශේෂ දක්ශතාවයක් ඇති මොහුගේ ප්‍රියතම පානය මල් පැණි වන අතර සෑම ‍රැස්වීමක් අවසානයේම
"කෝ මුකුත් නැද්ද.උඹල දැන් මුකුත් ගන්නෙවත් නැද්ද.යකෝ අපිනම් ගිය පාර මීට්න් එකට ආපු ගමන් වැඩ ඉවර කරල යන්නෙ සෙට් වෙන්න.ඒ අතින් උඹල වැඩක් නෑ බං.කුජීතයි ඈ"
අසමින් අනිත් සියළු දෙනාටද මල් පැණි පෙවීමට උත්සාහ දරන බවත්
මල් පැණි කියන්නේ මොනාදවත් කියා නොදත් අනිත් උන් නොදරුවෝ මෙන් හැමදාම ඊට හිස වනා විසිර යනු ලැබූ බව නිල නොලත් ආරංචි මාර්ග තවද පවසයි.මොහු,



1.යැංකියා 2.ජිංජිබිරිසා 3.අභීතයා නොහොත් අඹේපාලයා 4.අවංක පැට්ටා



(2) සයිබර් උළෙලට පැමිනෙන සියළු දෙනාගෙන්(විශේෂයෙන් ගැහැණු ළමුන්ගෙන්) Hug එකක් බලාපොරොත්තුවෙන් සිටින මුහුද යට සිය වාසස්ථානය වන නූතන මල් සරා  කිරිබත්ගොඩ හමුව Cancel වීමෙන් ඉමහත් කනස්සල්ලට පත් වී ඇති අතර එයට හේතුව ලෙස පවසා ඇත්තේ අහල පහල වූ ගැහැණු ළමයෙක් සෙටාර් කරගැනීමේ අවස්ථාව මඟ හැරීමයි.:P
“අක්කේ මේ මම එද්දි අහල පහල ඉන්න කෙල්ලෝ සෙට් එකට පුංචි කිඳුරෙක් එනවා කියලා කියලා තියන්ඩ ඈ.. “මෙසේ කියමින් මොහු අදාල අක්කාට කරදර කළ බවද ආරංචි මාර්ග පවසා සිටී.මොහු,



1.අක්කපාලයා    2.පොඩි මෑන්    3.ඉෂාර    4.සඳකිඳුරා

(3) කාලයක් වීඩියෝවක් නිසා තම ස්‍රී නාමයට කැලලක් වුන බව පවසමින් ඇඬූ කඳුලෙන් කාලය ගෙවූ සෑම විටකම යුවතියන් දැකීමට යුවතියන් හා කල් ගෙවීමට කැමැත්ත දැක්වූ, අඬු 4ක්ම ඇති සිහිනයක් විසින් අවුරුදු උත්සවයේ අවුරුදු කුමරිය තරඟයේ භාරකාරත්වය තමාට ලබා දෙන ලෙස සංවිධායක මණ්ඩලයේ අනෙකුත් සාමාජිකයන්ට මරණ තර්ජනය කරමින් ඉල්ලා සිටි බව සැලවේ...තමාට මෙම අවස්ථාව ලබා නොදෙන කවරෙකුට වුවද මිත්‍රද්‍රෝහියෙකු ලෙස සලකන අතරම තමාගේ අතේ නිතරම ‍රැඳුන එනමුත් භාවිතා කිරීමට වැඩිය නොදන්නා ගිටාර් රාජයාගේ පහර කෑමකින් මරණයට ලක්වීමට සිදුවන බව මොහු දිවුරා පැවසූ බවද නිල ආරංචි මාර්ගයන්ගේ සැලවී ඇත.මේකා,



1.සිහිනයා 2.බනියා 3.කොස් කොළයා 4.ස්කූබි ඩූ

(4) වෙනත් සක්වලකින්  කොළඹ රටට මෑතකදි ගොඩ බසින ලද අයෙක් විසින් කොළඹ රටත් ඒ සක්වල මෙන්ම සීතලයැයි සිතාගෙන මුලදී අත් පා දිගට තිබෙන ඇඳුම් ඇන්ද නමුත් මෑතකදි බ්ලොග් අවකාශයේ මල් පැණි වලට ප්‍රිය කරන කෙනෙකු අනුව යමින් කොට කලිසම් වලට හුරු වී ඇති බව දැනගැනීමට ලැබී ඇත. පිටේ හරහට එල්ලා ඇති  ලැපත්, සිංදු අහන බව පෙන්වීමට නිතරම කනේ ඔබාගෙන සිටින headset එකත් මොහුව අඳුනා ගැනීමට හැකියාව ලැබෙන ප්‍රධාන අංග ලක්ශන වේ..තවද බුකියේ ප්‍රොපයිල් පින්තූරය ලෙස නිතරම ගිටාරයක් හරහට එල්ලාගත් පින්තූරයක් තබාගැනීමට ඔහු ප්‍රියතාවයක් දක්වන බව මොහුගේ මිතුරු කැල අපට පවසා ඇත.
මොහු,


1.පවනි    2.පිටසක්වලයා    3.මදුරංග    4.මී ගොඩයා

(5) පොර කථා දමමින් දඟයෙක් නොවූවත් දඟයෙක් වන්නට ගිය ගඳයෙකු කාන්තා පාර්ශවයට කට කැඩිච්ච කථා කියන්නට ගොස් මේ වසරේ මාර්තු මස 31 වෙනි දින නගර සභා භූමිය ඉදිරිපිට වූ කහ ඉර මතදී පිට හරහා අවුරුද්දටම අමතක නොවන කෑමක් ඉල්ලාගෙන කෑ බව කාටත් නොරහසකි.
මොහු,


1.දඟමල්ල    2.කිඩෝ    3.දඟයා පවර්    4.නාකියා

(6) නම ඇසීමෙන්ම දුක ගැන හිතට හිතෙන උතුමෙක් ඕන් මේ පාර තේරෙන රාජකීය අවුරුදු ජෝඩුවට අනුග්‍රහය දක්වයි.මෙහි යටින් රියලිටීකරණය වූ මාෆියාවක් තිබේදෝහෝයි ගමේ තේ කඩේ පැත්තේ කතා වෙන බව දැනගන්නට ලැබුනි.
මේ උතුමා,


1.හිමහංසි    2.ප්‍රාර්ථනා    3.දුකා    4.සිහින මධාරා

(7) විහාර මහා දේවී උද්‍යානය ඉදිරිපිට වූ තරාදියකින් බර කිරන්නට ගිය අක්කා කෙනෙක් නිසා දුප්පත් වෙළෙන්දෙකුගේ ආදායම් මාර්ගයටද උදැල්ලක් වැටී ඇති බවත් බර කිරන්නට ගොස් තරාදි කට්ට පිස්සු නටා ඇති බවත් වටේ බලාගෙන සිටි අයගේ මාර්ගයෙන් සයිබර් රහස් ඔත්තු සේවයට ආරංචි වී ඇත. 
මැය,


1.දුෂ්    2.හසී    3.ප්‍රාර්ථනා    4.චතූමිතූ


(8) ජීවත් වුවත් එසේ නොවන්නෙකු පිළිබඳ නමෙන් ඉඟි කරන කෙනෙක් ඕන් පහු ගිය ටිකේ නිතර නිතර අහල පහල ගැවසී ඇතිමුත් මෙම වසරේ මාර්තු 31 දින නිතරම හිස පසෙකට නමාගෙන ඇති ඡායාරූප භාවිතා කරන යුවතියක සමග කඩේ යාමෙන් පසුව අතුරුදහන් වී ඇත.
මොහු,


1.අභීතයා    2.මාරයා    3.මරණයා    4.මලියා

(9) තම සිරුරේ හැඩය හා ශක්තිය ගැන දැඩි ලෙස සැලකිලිමත් වන්නෙක් රාත්‍රී 7සිට 8 වෙනතෙක් කාලය gym එකක කාලය ගත කිරීමට ‍තෝරාගෙන ඇත. ඉඩ ඇති බස් සොයාගෙන ගොස් ඒවායේ හිටගෙන යාම මොහුගේ ප්‍රියතම විනොදාංශය වේ. කොයිතරම් ඇඟ හදාගෙන සිටියත් මොහු මල් පැණි වලට ලොබ වූ පුද්ගලයාට දැඩි බියක් දක්වන අතර මුහුද යට ජීවත් වන නූතන මල් සරාට දැඩි ආදරයක් දක්වයි. කොහේ ගියත් මොන දේ කලත්
"........... හිටියා නම් හොඳයි නේද?" කියමින් නූතන මල්සරා සිහිකිරීම මොහුගේ පුරුද්ද වී ඇත.
"මල්සරා I miss you always" :o.
මොහු,


1.ජනරංග    2.පිටසක්වලයා    3.රාජ්    4.පවනි

(10) ටිකක් වයසක ගතියේ නමක් තිබුනත් බ්ලොග් අවකාශයේ චූටිම එකා ලෙස තමාව හඳුන්වා ගන්නෙක් තමාට වඩා වැඩිමහලු අක්කා කෙනෙගෙන් ටී ශර්ට් එකක් තෑගි ලෙස ලබාගෙන එය හැමතැනම කියමින් යන බව ආරංචි මාර්ග පවසයි.
අක්කලා සමඟ ඉතා දැඩි සම්භන්ධතා ඇති මේ පුංචි මල්ලියා තවත් අක්කා කෙනෙක්ගෙන් සොරකම් කල සිංදුවක් කවියක් කරන්නට ගොස් අමාරුවේ වැටී දැන් එය අතරමඟ නතර කොට ඇත.
දත් මැදීමටත් වඩා ........ කිරීම හොඳ පුරුද්දක් ලෙස සිතාගෙන සිටින මොහු සෑම රාත්‍රියකම සමු දෙන විට දත් මැද නිදාගන්න කියනවා වෙනුවට රෑට චූ කොට නිදාගන්නයැයි කියමින් සමුදෙන බව මොහු සමඟ නිතර දෙවේලේ chat කරන තවත් අක්කා  කෙනෙක් ප්‍රකාශ කොට ඇත.. 
මොහු,


1.සඳකිඳුරා    2.ඉෂාර    3.අක්කපාලයා    4.කොස් කොලයා


(11) මල්ලිලාට තෑගි අරන් දීමට ස්වකීය කාලය හා ධනය නොමසුරුව වැය කරන තවත් අක්කා කෙනෙක් බම්බලපිටිය හන්දියේ වූ කඩයක විශාලත්වය දැක මුහුද වාසස්ථානය වූ කෙනෙකු සමඟ එයට ඇතුල් වී එහි වූ අයිස්ක්‍රීම් කඩයකින් රුපියල් දහයක අයිස් ක්‍රීම් එකක් කා එළියට බැස පැමිණි බව ආරංචි මාර්ග පවසයි.  මැය වෙන කිසිවෙකුටත් නොමැති අන්දමේ පිස්සුවක්.. එනම් google doc පිළිබඳ ඉතා දැඩි පිස්සුවකින් පෙලෙන බව ඇගේ හැසිරීම කාලයක් තිස්සේ අඳුරන සියළු දෙනා පවසයි. මීටින් වලට පැමිණෙන විට සිය සොයුරිය සහ සොයුරියගේ පෙම්වතාද කැඳවාගෙන විත් මල් කැඩීමට අවස්ථාව ලබා දී පින් අතේ වැඩද සිදු කරගන්නා බව ප්‍රසිද්ධ රහසකි.
මැය,


1.ප්‍රාර්ථනා    2.චතූමිතූ    3.හිමහංසි    4.දුෂ්


(12) කාලයක් තිස්සේ උත්සාහ දැරුවද එකම කෑල්ලක්වත් සෙට් කරගැනීමට නොහැකි වීමේ දුකින් පෙලෙන තවත් අයකු බැරිම තැන චූටි මල්ලිගේ cousinලා වෙත බැල්ම දැමූ බවට විස්වාසදායී ආරංචි මාර්ග වලින් ආරංචි වී ඇත. චූටි මල්ලිගේ ප්‍රොෆයිල් පින්තූරයක සිටි තමාට වඩා හත් හත්දිනේ වයසින් බාල cousin කෙනෙකු සෙට් කර දෙන ඉල්ලමින් කඳුළු පෙරමින් හැඬූ වග සයිබර් රහස් ඔත්තු සේවයට දැනගැනීමට ලැබී ඇත. ඉන්පසුව දුරකථන අංකයද ලබා දෙන ලෙස වැ ද වැටී ඇත. පසුව චූටි මල්ලියාට මොහු බැන වැදී ඇති බව ප්‍රසිද්ධ රහසකි. මොහුට එකම අවුල චූටි මල්ලි මස්සිනා වීම බව ප්‍රසිද්ධියේ ප්‍රකාශ කර ඇත. 
මොහු,


1.රාජ්    2.ගයාන්    3.ජනරංග    4.සඳකිඳුරා


(13) මේ වසරේ අප්‍රේල් මාසයේදි බ්ලොග් එකට අවුරුද්දක් පිරුණු අක්කා කෙනෙක් චූටි මල්ලි ලෙස නිතරම කියා ගන්නා කෙනාට ඒ අක්කාව මුන ගැසීමට තුන්මුල්ල මහා විද්‍යාලය අසලට පැමිණෙන්න යැයි පවසා පොල්ලක් තබා ඇත. තවද බටර් තලියක් චූටි මල්ලිගේ ගා තමන් විසින් ලියන ලද සින්දුවකට මියුසික් දමා දෙන ලෙස ඉල්ලා ඇත. මල් ගැනීමට ස්ථානයක් නොමැති නිසා මුහුද යට වාසස්ථානය වූ රෝද හතරේ දඬු මොනරණයක් භාවිතා කරන කෙනෙකුට මල් ගැනීමට කැළණි යමු යැයි යෝජනා කර ඇති බව විශ්වාසනිය ආරංචි මාර්ග සඳහන් කරයි. තවද අප්‍රේල් 8 වෙනිදා බ්ලොග් ලියන කිහිප දෙනෙකුටද පාටියක් දෙන බව පවසා එයටත් පොල්ල තබා ඇති බව නිළ නොලත් ආරංචි මාර්ග සඳහන් කරයි. යාලුවන්ට කියා ඉතා සැලසුම් සහගතව තමන්ගේ ඡායාරූප ලබා ගැනීමට විශේෂ හැකියාවත් දක්වයි. පසුගිය දින කිහිපය තුල Ek Diwana Thaa නැමැති චිත්‍රපටය බාගැනීමට සැමගෙන්ම ලින්ක් ඉල්ලා සිටි බව ප්‍රසිද්ධ රහසකි. නමින් නිතරම කුමක් හෝ දෙයක් පතන බව හැඟවේ. බටර් ගෑමට උපන් හපන්කමක් ඇත්තියක් බව දන්නෝ දනිති.
මැය,


1.හිමහංසි    2.හසී    3.චතූමිතූ    4.ප්‍රාර්ථනා


(14) නිතරම හිස පසෙකට ඇල කරගෙන සිටින ෆොටෝ භාවිතා කරයි. මේ වසරේ අප්‍රේල් 31 වන දින විහාර මහා දේවි උද්‍යානය තුලදී පිරිමි ළමුන් දෙදෙනෙකුට තර්ජනය කර එක් අයෙකුට පහර දී ඇති බව විශ්වාසනීය ආරංචි මාර්ග සඳහන් කරයි. මදක් ටියුබ් ලයිට් ගතියක් පෙන්නුම් කරන අතර චූටි මල්ලියාගේ සංගීත වැඩ හා සම්බන්ධ අක්කා කෙනෙකුට චූටි මල්ලිගේ ආදරවන්තිය යැයි රැවටුණු බව අදාළ පුද්ගලයන් පැවසීය. මැය සමග කඩේ ගිය නිතරම මරණය ගැන කතා කරන පුද්ගලයෙකු දින කිහිපයක් අතුරුදන්ව සිටි බව ප්‍රසිද්ධ රහසකි. ලව් සික් එක උපරිමේටම ඇති බව කතා කරන සෑම දෙනාටම තේරුණත් මැය නිතරම කතා කරන්නේ උස සපත්තු හා දුක පිලිබඳ බව සැමගේ අත්දැකීමයි. බ්ලොග් අවකාශයේ බොහෝ දෙනා පවසන්නේ මැයගේ දුක් ගැනවිලි කියවා හෙම්බත්වී ඇති බවයි. සයිබර් සිහින උළෙලට දින දෙකකට පෙර මැගේ අවසන් කැමති පත්‍රය ද බ්ලොග් අඩවිය ඔස්සේ නිල වශයෙන් ප්‍රසිද්ධ කල බව දන්නෝ දනිති.
මැය,


1.වර්ණා    2.සුදු පැංචි    3.දුෂ්    4.නෙත්පානි


(15) විහාර මහා දේවි උද්‍යානයේ තිබූ හමුවේදි සිය මිතුරන් හඳුනා ගැනීමට නොහැකිව වටා පිටාවේ ඉන්න සියලු දෙනාගෙන් නංගි ඔයා බ්ලොග් ලියනවද? අයියේ බ්ලොග් එකක් ලියනවා නේද? අසමින් ගිය අයෙක් ගැන ආරංචි පැතිර ගොස් ඇත. කැන්ටිමේ සිටි සියලු දෙනා බ්ලොග් කරුවන් යැයි සිතූ මොහු කැන්ටිමට වී එක් අයෙකු හෝ තමා සමඟ කතා කරන්නට එන තුරු මඟ බලාගෙන හිටි බව සැලවේ.. මෙම කොටස සමරු කලාපයෙන් ඉවත් වුවහොත් එයටද වගකිවයුත්තා ඔහු බව අවධාරණයෙන් යුතුව ප්‍රකාශ කරන්නෙමු.
මොහු,


1.යැංකි    2.ගයාන්    3.රාජ්    4.සඳකිඳුරා




විභාගය ඉවරා.................යි.දැම්මනං බලන්න කොල්ලො කෙල්ලන්ගෙ උත්තර ටික පල්ලෙහායින්.හික් හික් හික් :D
[ මේ සමරු පොතේ පලවූ මඩ.සමරු පොතේ පල නොවූ මඩත් අරන් ළඟදිම එන්නම් ;) ]
සමරු පොත් හම්බුනේ නැති එවුන් තව ඉන්නව නම් මුනගැහෙන මොහොතක දෙන්නම් හොඳේ.අස්ථාන ගතව තිබුනු සමරු පොත් පිටියක් කවුරුහරි ඉදිබුවෙක් මම නිළ ප්‍රවාහන සහකරු නිසා කාර් එකේ ෆ්‍රිජ් එකට දාල මේ ලඟදි මට හම්බුනේ :p........ කල් තියාගන්නද දන්නෙ නෑ ෆ්‍රිජ් එකට දැම්මෙ.එහෙම නරක් වෙන්නෙ නෑ පුතේ පොත් :D

Thursday, June 7, 2012

කෙල්ලෙක් ඉදිරියේ සඳකිඳුරා ජීවිතේ පළමු වරට නිරුවත් වීම (18+ බව දැඩිව සලකන්න)

පූර්විකාව :-


මේ දේට සඳකිඳුර මූන දුන්නෙ ඕන් හරියටම කියනවනම් සාමාන්‍ය පෙළ ලියල ගෙදර ඉන්න කාලෙ.ඒ කාලෙදි ඇඟ හිරිවැටෙන තරමෙ ලැජ්ජාවක් මේ සිද්දිය මතක් වෙද්දිත් දැනුනට දැන් දැන් නම් ඒ කාලෙ වුනු ගොන් වැඩ මතකෙට එද්දි තනියම ඇති තරමක් හිනා වුනහැකි.ඇත්තටම ජීවිතේ හැල හැප්පීම් තිබුනට සඳකිඳුරට ගොඩක් දැනෙන දෙයක් තමා මේ ජීවිතේ කියන්නෙ පට්ටම පට්ට ලස්සන දෙයක්.තමාට ජීවිතේ නීරස නම් ඒකට එකම හේතුව තමා ජීවිතය කියල හිතාගෙන ඉන්න රාමුවෙ වරදක් විනා ජීවිතයෙ වරදක් නෙමේ.මොහොතකට හදවතයි ඇහැයි ඒ රාමුවෙන් පිටට දාල බලන්න.ජීවිතේ හැමතිස්සෙම අපිට අඬන්න හේතුවක් දෙද්දි හිනා වෙන්න හේතු දෙකක්වත් අඩුම තරමින් දෙනව.මොහොතක් හිතන්න.


අඬන හිත් වලට ජීවිතේ රහ කියල දෙන්නම්කො පස්සෙ හෙමින් සැරේ.ඉතින් මේ කියන්න ලෑස්ති වුනේ මං කෙල්ලෙක් ඉදිරියේ මුල්ම වරට නිරුවත් වුනු හැටිනෙ.හ්ම්.......... 


මේකට මුල් වුනු එකම කේස් එක තමා සරම.සරම් කිව්වම එක එක ජාතියෙන් තියෙනව නෙව.අතීතයෙ ඉඳන්ම හෙල මුතුන්මිත්තන්ගෙ බොහොම උජාරු ඇඳුමක් තමා ඕන් සරම කියන්නෙ.ගොඩක් අය දැනුත් සරම් අඳිනව ඒක ඇඳන් ඉන්න හරිම පහසු වගේම සැහැල්ලු නිසා.ඒ වගේමයි හැම දේකටම වගේ ගෝලීයකරණයේ බලපෑම් මත සරමත් දැන් මෝස්තර ආභරණයක් ගානට වැටිල ඇතැම් තැන් වලදි.මේ බලන්නකො,





සමහරු හිතනව සරම කියල කිව්වම අයියෝ ඕක පිරිමි ඇඳුමක්නෙ, ගෑනු සරම් එක්ක අදාලත්වයක් නෑනෙ කියල.අපෝ මොන පිස්සුද.සරම කියන්නෙ පිරිමි වගේම ගෑනුත් ඉස්සර ඇඳපු අඳුමක් දැන් කාලෙ ඉන්න ලමිස්සියො දන්නෙ නැති වුනාට.දැනටත් ඔය ලමයි හම්බුවෙන්න ඉන්න අම්මල එහෙමත් පහසුව නිසා සමහර වෙලාවට සරම් අඳිනව.හැබැයි පිරිමි අය වගේ ඉනෙන් නෙමේ, පපුවට උඩින්.ගෙදර වැඩ කරන වෙලාවට එහෙමත් සමහර විටක සරම අඳින්න පුළුවන්.


දැන් අපේ ගෑනු පාර්ෂවේ ඕන් බීච් කවර් ස්කර්ට්ස් කිය කිය ලස්සනට වැඩ දාපු ඉන වටේ ඔතන ඇඳුම් ඇන්දට ඒකත් සරම කියන ඇඳුම ගෝලීයකරණයත් සමගම මුසු වීමේ ප්‍රභේදයක් තමයි.මේන් බලමුකො ඒකෙත් හැඩ :)






කොහොමින් කොහොම හෝ අදටත් වැඩි දෙනෙක් කැමතී සරමක් වගේ පහසු ඇඳුමකින් ඉන්න ඇත්නම් ගෙදර ඉද්දි.හැබැයි ඉතින් ඕක හැමෝටම හරියන්නෙ නෑ.ඒ මොකද කියනව නම් සමහරුන්ට සරම් ඇඳගෙන ඉන්න තේරෙන්නෙ නෑ.මටත් ඔය මගුල ඇඳගෙන ඉන්න තේරෙන්නෙ නෑ නෙව.කොහොමහරි දවල්ට කඩන් නොවැටි ඇඳගෙන හිටියය කියමුකො.රෑට නිදාගෙන උදේ නැගිටිද්දි තමා ඇහැරවන්න එන එකාට තොවිල් නටවල නූල් බඳින්න වෙන්නෙ.මොකෝ ඉතින් ඇහැරෙද්දි සරම පැත්තක, ඇඳන් හිටපු එකා තව පැත්තකනෙ.අපේ ගෙදර ඉතින් ඔය නස්පැත්තියට කාලයක් මූන දුන්නෙ අපේ අම්ම.පස්සෙ පස්සෙ ඉතින් අපේ අම්මගෙ බයිට් ඉවසන්න බැරිම තැන මම සරම කියන වචනෙත් මගේ ඩික්ෂනරියෙන් අයින් කලා.ඉතින් ඔන්න දැනුයි මගෙ කතාව පටන් ගන්නෙ............ ;)


මගේ කතාව : සරමක් කරපු නස්පැත්තිය :/

ඒ දවස් ඉතින් සාමාන්‍ය පෙළ ලියල ගෙදර හිටපු කාලෙනෙ.හරිම අමාරුයි ගෙදර ඉන්න.පනුගාය වගේ හැම තැනම දුවනව.එලියට බැහැල යාලුවොත් එක්ක පිස්සුවක් නටන්න ඇත්නම් ඊට වඩා දෙයක් නෑ.

දවසක් ඉතින් ඕන් සඳකිඳුරට ඉස්කෝලෙ හොඳම යාලුවෙක්ගෙන් ආරාධනාවක් ආව " වරෙන් මචෝ ගෙදර.කාල බීල ගේමක් එහෙම ගහල ෆන් එකක් දාමු " කියල.අලේ ඉතින් මටත් ඉස්පාසුවක් නෑ මිටින් හල කුරුල්ල වගේ ක්ෂණිකව නාල කිටක් දාගෙන බස් එකේ නැගල පිටත් වුනා.

යාලුවගෙ ගෙදර ගියාමත් ඉතින් කම්පියුටරේ නිසා කන්න බොන්න වත් සිහියක් නෑ ගිය වෙලාවෙ ඉඳ ගේම් ගේම් ගේම් ඉවරයක් නෑ.යද්දි යාලුවයි එයාගෙ අම්මයි විතරයි ගෙදර හිටියෙ.අක්ක ඔෆිස් ගිහින්.

ගේම් ම ගැහුව කිව්වට ඉතින් කාල බීල බන්ඩිය පුරෝගන්නත් අමතක කලේ හෙම නෑ.හවස් වෙන්න කිට්ටු වෙලා චුට්ටක් එලියට බැහැල ටවුම් පැත්තෙ හෙම වටයක් දාල ඇවිත් ආපහු ගේම් ගහන්න පටන් ගත්ත.කොහොමින් හරි දන්නෙම නැතුව රෑ වුනා.කාමරේ ජනෙල් දොරවල් වහගෙන කන පැලෙන්න සද්දෙ දාගෙන ගේම් ගහද්දි ඉතින් මොන සිහියක්ද.කොහොමහරි ආපහු පියවි සිහියට එද්දි රෑ 9ත් පහු.දඩබඩ ගාල එන්න කියල හදද්දි යාලුවගෙ ගෙදරින් අපේ ගෙදරට කතා කරල කිව්ව දැන් ගොඩක් රෑ නිසා පුතාව උදේ වෙලා එවන්නම් කියල.අපේ අම්මත් හා කිව්ව.ආපහු එන්න බලන් ගිය නිසා මං නවතින්න කියල මුකුත්ම අරන් ගියේ නෑ.

වොෂ් එකකුත් දාගෙන ආව.දැන් ඉතින් අඳින්න ඇඳුමක් නෑ.මගෙ යාලුවත් අඳින්නෙ සරම් ගෙදරට.සැක්........ කරන්න කිසිම දෙයක් නෑ.යාලුවගෙ ගෙදර එවුන්ට කියන්නත් බෑනෙ ඇහැරෙද්දි සරම පැත්තක මම පැත්තක කියල.යාලුවත් එහෙම තමා.ඒත් ඉතින් ඌ ගෙදර එකානෙ.

ඕනෙ එකක් වෙච්චදෙන් කියල නාල සරමට බැහැල රෑ කෑමත් ගත්ත.ඊට පස්සෙ ඉතින් නිදිමත එනකල් ආපහු ගේමක් ගහල යාලුවගෙ අක්කත් එක්ක ඉගෙනගන්න වැඩ ගැන පොඩි චැට් එකකට බැහැල උන්නෙ.හොඳ වෙලාවට ගෙදර හිස් කාමරයක් තිබුන.ඉතින් ඕන් සඳකිඳුර යාලුවට අනිත් එවුන්ට කලින් ඇහැරවන්න වරෙන් කියල සැනසිල්ලෙ නිදාගන්න ගියා.කොහොමහරි සැපටත් නින්ද ගියා


ඒ දවස් ඉතින් සීතල දවස් නෙව.සැපට ගුලිවෙලා හීන දැක දැක නිදාගත්ත.උඹල දන්නවනෙ මේ මිනිස් ඇඟ තාප සමායෝජන ගුණයෙන් යුක්තයි කියල.ඒ කියන්නෙ ශරීරයෙ තාපයෙ නිශ්චිත අගයක පවත්වා ගැනීම උදෙසා ශරීරයේ යම් යම් අනුවර්ථනය වීම් හා ක්ෂණික වෙනස් කම් ඇති වෙනව.ඒ වගේ වෙන එක දෙයක් තමා සීතල වෙලාවට හිරිගඩි පිපිල ඇඟේ මවිල් කෙලින් වෙන එක.එහෙම වුනාම ඒ මවිල් අතර වාතය තුනී ලෙස රැඳෙනව.වාතය කියන්නෙ දුර්වල තාප සන්නායකයක්.එතකොට ශරීරයේ තාපය පිටතට හානි වෙන්නෙ නෑ.

ඉතින් ඒ සඳහා ශරීරය විසින් සමේ මතුපිටට ආසන්න රුධිර ධමනි පවතින මට්ටමට වඩා තරමක් දුරට විස්ථාරණය කරල ශිරා තරමක් දුරට සංකෝචනය කරනව.එතකොට ඇඟේ සම මතුපිටට කිට්ටුවෙන් වඩා හොඳ රුධිර සැපයුමක් ඇතිවීම මගින් මස්පිඩු වලට සීතල දරාගැනීමට ඕනෙ කරන ශක්තිය ලබා දෙනව.වැඩේ කියන්නෙ ඉතින් ඕක ඇඟේ අත පය වලට විතරක් බල පැවැත්වෙන දෙයක් නෙමේ නෙ.ඕක වෙන්නෙ මුළු ඇඟටමයි.එතකොට ඉතින් ඕනෙ මස්පිඩු වගේම ඕනෙ නැති ඒවත් දරදඬු වෙනව.සැහ් මේව හුනුහරුප නෙමේ බං.උඹලට සීතල දවස් වලට වෙන සීන්කෝන් එක මේක තමයි.

වැඩේ කියන්නෙ ඉතින් එතකොට හරියට අර කූඩාරම ගැහුව වගේ තමයි :D


වැඩේ කියන්නෙ ඉතින් සරම ඇඳන්  නිදාගත්තම සරම පැත්තක මම තවත් පැත්තකනෙ.එතකොට ඉතින් කූඩාරමත් නෑ.සැක් මට ඒක අර්ථ දක්වන්න තේරෙන්නෙ නෑ බං.හරියට මෙන්න මේ වගේ


මක්ක කොරන්නෙයි ඉතින්.මං දන්නවද.හොඳ සැපට නිදි මං.වැඩේ කියන්නෙ යාලුවත් මං වගේම හෙන ගැහුවත් ඇහැරෙන එකෙක් නම් නෙමේ.වෙන කියන්නම එකෙක් නැති නිසා උට කිව්වෙ අනිත් එවුන්ට කලින් මාව ඇවිත් නැගිට්ටවපං කියල.ආන්ටියි අන්කලුයි හිටියෙ පල්ලෙහා තට්ටුවෙ.එයාල උඩට එන්නෙම නැති තරම්.උඩ තට්ටුවෙ කාමර ලඟ ලඟ කාමර 3ක තමා මමයි, යාලුවයි, යාලුවගෙ අක්කයි හිටියෙ.

කොහොමහරි ඉතින් යාලුවගෙ අක්ක තමයි යාලුවවත් හැමදාම නැගිට්ටවන්නෙ.සුපුරුදු පරිදි ඉතින් අක්ක ගිහින් ඌව නැගිට්ටවල.මිනිහටත් මං තාම නිදි කියල මීටර් වෙලා නෑ.මිනිහ ඉතින් තුවායත් අරන් බාත් රූම් එකට රිංගල.අරූ බාත් රූම් ගිය නිසා මාව නැගිට්ටවන්නෙයි කියල අක්ක ඇවිත් කාමරේට.මල ගිනි විජ්ජුම්බර ජංජාලයයි


කොහොමින් හෝ අක්ක මාව නැගිට්ටුව.ඇහැරෙද්දි කවදාවත් නැතුව මං නිදාගත්දි පෙරවගත්තු රෙද්ද මගේ මුලු ඇඟම වැහෙන්නයි තිබුනෙ.පොඩ්ඩක්වත් රැලි ගැහිල තිබුනෙ නෑ.හැබැයි සරම නම් කකුලෙ මායිමෙන් යන්තමට වගේ අහු උනා.සට පට ගාල අත් දෙකින් කූඩාරම බාගෙන ඇඳේ පැත්තට හැරුන මම.සැහ්.......... එතකොටත් පරක්කු වැඩී.කතාකරනවට වඩා අක්ක හිනා වුනු එකෙන් මං දැනගත්ත වැඩේ චාටර් වෙලා ඉවරයි කියල.

අක්ක කාමරෙන් එලියට යනකම් ඉඳල සටපට ගාල පෙරවන රෙද්ද ඇතුලට බැහැල සරම හෙව්ව.



ඇඟත් ලැජ්ජාවෙන් හිරිවැටිල.ඇඳෙන් බැහැල ගිහින් ආපහු මූන බලන්නෙ කොහොමද.හිතාගන්න බෑ.

සරම ඇඳගත්තු ගමන් පාප මිත්‍රයව හොයාගෙන ගියේ.ඒත් මගක් දුර යද්දි හිතුන ඌ ඉස්සරහත් ආපහු චාටර් වෙනවට වඩා අක්ක ගාවට ගිහින් මේක කාටවත් කියන්නෙපා කියල නාහෙන් අඬන එක හොඳයි කියල.පස්සෙ හැරෙන තැපෑලෙන් අක්ක ගාවට ගිහින් කිව්ව කාටවත් කියන්නෙපා වුනු දේ කියල.අක්ක ආපහු හිනා වෙලා හා කිව්ව.

කෑවෙත් නෑ බිව්වෙත් නෑ සටපටාර් ගාල ලෑස්ති වෙලා ආපහු ගෙදර ආව.කොහොමහරි අක්ක පස්සෙ කියපු විදිහට නම් අක්ක මාව ඇහැරවන්න කාමරේට එද්දි මගෙ ඇඟේ සරමවත් පෙරවපු රෙද්ද වත් තිබිල නෑ.සරම කකුලට යටවෙලා තිබුනු නිසා ගත්දි ඇහැරුනොත් කියලලු පොරවන රෙද්දෙන් පෙරවල ඇහැරුවෙ.එදායින් පස්සෙ නම් ආයිත් මලාට සරමක් ඇන්දෙ නෑ.

අවුරුදු 4ක් විතර ගිය නිසා දැන් නම් ඒ ගැන එච්චර හිතට අවුලක් නෑ.ඒත් යාලුවගෙ අක්ක නම් තාමත් දකිද්දි මහ කින්ඩි චාටර් හිනාවක් දානව.


සැහ්........ එතකොට තමයි පැස්බරා වගේ වත් ඔලුව හංග ගන්න හිතෙන්නෙ :/